Akril toshi – Tanishganimdan xursandman

Bu ibora ko'pchilikka tanish bo'lib tuyuladi, biz uni tez-tez stoleshnitsa, bar stoli va deraza tokchalari sifatida uchratamiz. Biroq, bugungi kunda akril toshdan ham huddi ko’cha do’konidagi plastikdan yasalgan o’yinchoqdan ehtiyor bo’ladigan iste’molchilar yetarli.  

Aslida, akril tosh juda hurmatga sazovor yoshdagi materialdir, u birinchi marta 1962 - yilda paydo bo'lgan va yarim asr ichida sezilarli darajada yaxshi tomonga o'zgargan.

Dastlab, akril tosh tibbiyot - jarrohlik va protezlash uchun mo'ljallangan edi. Yengilligi va chuqursiz tuzilishi tufayli suyaklarni o’rniga qo’ysa bo’lar edi. Materialning texnik fazilatlari birinchi darajali ahamiyatga ega edi, estetikaga e'tibor berilmas edi. Akril toshning rangi juda yoqimsiz, kulrang va monoxromatik edi.

Ammo texnik xususiyatlar faqat yuqori ko’rsatkichlarga ega edi. Akrilning qattiqligi mineral kuchning o'n balli shkalasi bo'yicha 4 ball bilan baholanadi. Siqilganida, akril tosh 130 MegaPaskalga bardosh bera oladi, bu bir qator tabiiy toshlardan (hatto marmardan ham!) ko'proqdir va egilish kuchi 60 MPa gacha (tabiiy tosh uchun qiymat 21-35 MPa orasida o'zgarib turadi).

Akril tosh o'zining chuqurchalarsiz tuzilishi tufayli juda gigienik hisoblanadi - unda ifloslanish to'planmaydi va bakteriyalar ko'paymaydi. Shu sababli, akril tosh tibbiyot muassasalarida, shifoxonalarda, bolalar bog'chalarida, umumiy ovqatlanishda juda qimmatlidir.

Akril toshning tarqalishi bilan uning ajoyib xususiyatlari me'morlar va dizaynerlar tomonidan qadrlandi. Mashhur dizayner va me'mor Karim Rashid o'zining futuristik loyihalari uchun materialdan foydalanib, butunlay akril toshdan yasalgan interyer yaratdi. Haqiqat shundaki, yuqori haroratlarda akril tosh har qanday shaklni oladi. Noyob plastika va kuch eng ajoyib fantaziyalarni amalga oshirishga imkon beradi, akril toshdan yasalgan buyumlar zamonaviy san'atda keng qo'llaniladi.